［#flowsophic中文大熱試題］今次試吓tip下今屆DSE 中文出題趨勢！中文一路都好難tip題，但係近年考評局既出題都有番一啲規律同框架，所以只要掌握好呢啲方向，都可以提早做好準備。
想睇哂呢個系列，就㩒落呢個hashtag #flowsophic大熱試題
@dsehighbanana 就幫大家做左一個今年DSE 中文既出題分析，內容包括考評局近年既出題方式，同今年應該點樣溫書以應對考試！
如果大家想check下自己範文溫得熟唔熟或者想有一本範文字詞意思既精讀筆記，歡迎去購買我地創作者整既「十二篇章甲部模擬試卷7sets」同「十二篇章語譯題必讀速練」～
1. 卷一閱讀
For 範文，2018同2019嘅題目好straightforward，冇比較題，亦都冇喺長題目翻炒番上年出過嘅範文。For tip題攻略，你可以睇番我之前嘅post。但係今年我唔排除佢會試下出下d新嘅題型玩下你地（例如比較題），因為2019年文言文果到有條題目要我地用番範文裡面嘅嘢，都算係一個突破。所以你地溫範文嘅時候可以溫得深入d，一定要get到每篇範文作者嘅諗法同埋篇文嘅主旨。同埋你要留意下有冇d咩範文係有機會俾考評局攞黎比較嘅。範文係兵家必爭之地，無論你aim咩grade都要溫熟範文，但係同時你都要知道範文只係佔成個中文科嘅大概7%左右，唔好花太多時間喺果到，因為可能你日日溫好耐範文同你最後用一個禮拜溫範文個結果其實只係差一兩分，咁你倒不如將d時間擺落其他科/其他卷啦⠀
⠀
2019年出左嘅文章係一d諷刺性嘅文章，同以往嘅大多數年份嘅記敘文唔同（以往成日都係出d關於親情/故鄉之情/人生啟悟嘅故事）。未來呢幾年，考評局有機會出多d唔同類型嘅文章，所以你地應該要溫下唔同文體嘅寫作手法 eg記敘文嘅抒情手法、議論文嘅論證方法等等，準備好去睇記敘文以外嘅文章。你都記住要分析下每一年嘅marking scheme，睇下有冇d咩題目有d固定嘅答題框架。⠀
⠀
至於文言文，以往嘅文言文大多數都係比較straightforward，你睇得明佢字面上嘅意思就已經可以答曬絕大多數嘅題目，但係 2019年篇文要埋你理解呢篇文嘅主旨，咁的確係有d難度。其實字面上嘅意思唔難睇得明，不過個含義就有少少難get。呢個都有機會係未來嘅趨勢，所以你地可能都要be mentally prepared. 得番三十日，你好難再靠每日睇一篇文言文有d好大嘅進步，所以如果你文言文好差，咁我建議你背下d常見嘅文言文字詞，不過如果你文言文已經比較好，咁我實在唔建議你再去溫文言文（溫左你都唔會有好大嘅進步，同埋你要進步係真係需要好多時間）⠀
⠀
但係中文閱讀呢份卷其實你嘅表現可以好fluctuate（要睇下你睇果篇係咪咁啱係你理解到嘅嘢），你溫左都唔一定幫到你好多，所以我建議你地唔好擺太多時間落卷一到。⠀
2. 卷二寫作
其實不嬲記敘文個trend都係越來越開放，越來越少限制，而2019年記敘文更加係咁（「這句話，我會記上一輩子」基本上你咩題材都用得，你只不過要塞句句子入去，用句句子串連起成篇文）（2018年有限制到寫嘅內容係舊地重遊，但係2019真係完全冇限制）。所以你地更加應該諗下唔同嘅故事先入去，到時改一改黎fit條題目嘅要求。2020年你用到d故事嘅機會係非常之高！⠀
⠀
議論文佢都連續出左幾年嘅談XX，本身以為佢2019年會繼續出，點知佢冇。佢應該係唔想d人操熟曬某一種題型唔識做其他題型。而佢2019年出對「讀書無用」嘅看法，某程度上specific過過往果幾年（談xx你咩都可以講，但係2019年果條你只可以講讀書嘅好處）。咁我唔知佢黎緊呢一年會唔會出番談xx啦，不過佢都有機會出番其他specific d嘅題型。所以你地溫嘅時候唔好只係溫談xx啊，要試下做下唔同嘅題型。議論文嘅文章鋪排同埋你用嘅例子係非常之重要，所以我建議你呢個月要作多d去熟悉個結構同埋點樣推論。如果你冇時間作好多文嘅話，可以計時寫大綱（15mins 寫曬每一段由咩層次出發/每一段想講咩同埋每段用咩例子），可以訓練下你諗point嘅速度同埋改善結構。⠀
3. 卷三綜合
我諗應該好多同學都知道，今年嘅卷三整合拓展果part改左評分方法。以往係1+2+5，依家係分上中下品評分，其實對於你作答上冇乜影響，你一樣都係咁樣去答，不過你就唔可以好似以前咁寫果幾句就執倒d分。⠀
⠀
至於見解論證果部分，2019年就少左好多資料俾你。以往嘅資料多好多字，同學可以運用唔同嘅資料去爆好多point出黎，但係2019年嘅見解論證資料得果幾句，所以同學一定要識得點樣可以單憑果兩行字去爆到好多嘢出黎。你地要練習下點樣可以更加具體化同埋點樣可以step by step推論。（以往呢樣嘢重要，不過有左2019年嘅轉變之後就更加重要）⠀
⠀
卷三呢份卷相對上比較易升grade，因為佢唔需要你有好好嘅中文底子。如果你肯努力操嘅話，絕對有機會操倒上5**嘅水平。所以我建議各位同學喺呢一個月裡面可以擺多d時間落卷三。⠀
如果大家想check下有冇溫漏左一啲課題或者驚一啲concept仲係有錯，歡迎係呢到搵 DSE/CE/AL pastpaper !
⠀
如果有d無從入手嘅話，可以參加我同 @hkdse.gayauuu 嘅卷三video課程，短時間內提升成績
